O Consello da Xerencia Municipal de Urbanismo de Vigo, en sesión do día 17 de febreiro de 2000, acordou aprobar inicialmente o proxecto de urbanización do núcleo 01.02 do Carregal C-Alcabre (expediente 4178/401), presentado pola entidade Viuconsa, S.A., e redactado polo arquitecto Enrique Rodríguez Alfaro, con visado do COAG do 18 de xaneiro de 2000.

Procédese ó trámite de información pública do citado proxecto durante o período dun mes a través de publicación no DOG e nun dos xornais de maior circulación da provincia. Signifícase que o prazo de exposición se entenderá aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 29 de febreiro de 2000.

Lois Pérez Castrillo

Alcalde-presidente da Xerencia Municipal

de Urbanismo