Luis Fernández-Arias González, secretario do Xulgado de Primeira Instancia e Instrucción número un de Padrón, dá fe e testemuño de que no xuízo de
faltas 645/1998 se dictou sentencia con encabezamento e parte dispositiva que di:
«María Ángeles Lamas Méndez, xuíza de Primeira Instancia e Instrucción, vista e oída en xuízo oral e público esta causa de xuízo de faltas 645/1998, seguida por unha falta de lesións contra María López Castro, na que foron partes o Ministerio Fiscal e José Figueroa Chorén en calidade de denunciante.
Decido: que debo condenar e condeno a María López Castro, como autora penalmente responsable dunha falta do artigo 617.1º do Código Penal, á pena dun mes de multa con cota diaria de 500 pesetas, quedando suxeita, se non as satisfixese voluntariamente ou por vía de constrinximento, á responsabilidade persoal subsidiaria dun día de privación de liberdade por cada dúas cotas non pagadas e ó pagamento das custas.
Esta resolución non é firme e contra ela cabe interpor recurso de apelación en ámbolos efectos neste xulgado perante a audiencia provincial no prazo de cinco días desde a súa notificación».
E para que conste e lle sirva de notificación de sentencia a María López Castro, actualmente en paradoiro descoñecido, e para a súa publicación no Diario Oficial de Galicia, expido este edicto en Padrón o catorce de febreiro de dous mil.
O secretario
Rubricado