Por Decreto da Alcaldía do 12 de xaneiro de 1995 resolveuse nomear como presidente da Xunta Arbitral Municipal de Consumo de Vigo o funcionario municipal José de la Fuente Rodríguez e, como secretario a Luciano Lago Giráldez, ámbolos dous adscritos ó departamento da OMIC deste concello.

O concelleiro delegado de persoal por Decreto do 9 de agosto de 1999, resolveu adscribi-lo funcionario municipal, técnico de Administración xeral, Miguel Hinrichs Vázquez de Parga á Unidade nº 302-OMIC, para presta-los servicios, entre outros, o de presidi-la Xunta Arbitral Municipal de Consumo; por isto, no uso das facultades que me confire a vixente lexislación de réxime local,

RESOLVO:

Primeiro.-Cesar como presidente da Xunta Arbitral Municipal de Consumo de Vigo a José de la Fuente Rodríguez.

Segundo.-Nomear como presidente da Xunta Arbitral Municipal de Consumo de Vigo a Miguel Hinrichs Vázquez de Parga e, como suplente, a José de la Fuente Rodríguez, ámbolos dous funcionarios municipais.

Terceiro.-Nomear como secretario da Xunta Arbitral Municipal de Consumo de Vigo a Luciano Lago Giráldez e, como suplente, a Manuel Álvarez Alonso, ámbolos dous funcionarios municipais.

Esta resolución deberá publicarse no Diario Oficial de Galicia, a teor do establecido no artigo 3 do Real decreto 636/1993, do 3 de maio, polo que se regula o sistema arbitral de consumo.

Vigo, 10 de decembro de 1999.

Lois Pérez Castrillo

Alcalde

Marcial Garcinuño Sáez

Secretario general