Obxecto do contrato: execución dos traballos consistentes en impartir cursos/talleres de autoestima dirixidos a mulleres para a Concellería da Muller.

Tipo de licitación: 233.333 ptas., IVE incluído, por cada monitor pola duración do total do contrato.

Requisitos:

-Licenciado/a en psicoloxía, especialidade clínica ou intervención socio educativa.

-Experiencia acreditada na impartición de cursos ou actividades análogas.

Prazo de execución: o contrato terá unha duración de catro meses. Os talleres desenvolveranse dous días á semana, dúas horas diarias. O horario deles determinarao a Concellería da Muller.

Forma de adxudicación: concurso por procedemento aberto.

Proposicións: os licitadores poderán presentar proposicións no Rexistro Xeral de Entrada do Concello de Santiago de Compostela das 9 ás 14 horas dentro do prazo de vinteseis días naturais, que comezará a contar e se entenderá aberto desde o día seguinte ó da data derradeira das publicacións que corresponden facer no DOG e no BOP da Coruña.

Documentación: información e documentación: Concello de Santiago de Compostela (Departamento de Contratación-Servicios). Teléfono 981 54 23 24. Fax: 981 57 76 27.

Criterios de adxudicación: son os que seguen, enumerados por orde decrecente de importancia para os efectos de cualifica-las ofertas:

1. Maior experiencia en prestación de traballos análogos en relación co obxecto: ata 15 puntos.

2. Mellor programa de actividades: ata 10 puntos.

3. Mellor oferta económica: ata 5 puntos.

Garantías: definitiva 4% do tipo de licitación.

Apertura de plicas: terá lugar en acto público na Casa do Concello (secretaría) ás 12 horas, o quinto día hábil seguinte ó da finalización do prazo de presentación de proposicións.

Modelo de proposición:

D./Dna... con domicilio en... rúa.. nº... teléfono... con DNI (ou pasaporte ou documento que os substitúa) nº..., en plena posesión da súa capacidade xurídica e de obrar, tomo parte en nome propio (ou en representación de...) na licitación do contrato de:... e xa que logo fago constar:

1) Que ofrezo o prezo de... ptas. que supón unha baixa de... ptas., con respecto ó tipo de licitación.

2) Que coñezo e acepto cantas obrigas se deriven dos pregos de condicións que rexe a licitación.

3) Que me comprometo a cumprir tódalas disposicións legais en materia de contratación laboral, Seguridade Social e protección á industria nacional.

En... o... de... de 2000.

O licitador (asinado e rubricado)

Reclamacións: simultaneamente ó de licitación exponse ó público o prego de condicións, contra o que se poderán presentar reclamacións no rexistro xeral do concello, durante o prazo de oito día hábiles, contados a partir da publicación deste anuncio no BOP.

Santiago de Compostela, 25 de xaneiro de 2000.

O alcalde

Rubricado