A Comisión de Goberno, en sesión do día trinta e un de xaneiro do ano dous mil, acordou prestar aprobación definitiva ó proxecto de urbanización do segundo tramo da rúa do Cordón, formulado mediante iniciativa particular, por Promociones Abasot, S.L. e, na súa subrogación, por Proinver Rías Baixas, Sociedad Limitada, e redactado polo arquitecto Óscar Pérez Paz, con visado da Delegación Provincial de Pontevedra do COAG con data do 14-5-1999.

O que se fai público para a súa executividade, subliñándose que conta este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que o dictou e no prazo dun mes contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá se resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º da Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados consideren procedente consonte a dereito.

Pontevedra, 10 de febreiro de 2000.

Raimundo González Carballo

Alcalde accidental

Julio Dapena Outomuro

Secretario xeral