O punto 1 da base sétima da Resolución do 23 de xullo de 1997 (DOG nº 146, do 31 de xullo) modificada por resolución da División de Recursos Humanos do 28 de decembro de 1998 (DOG nº 6, do 12 de xaneiro de 1999) pola que se convoca concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde, dispón que rematadas as probas selectivas, o tribunal elevará á Dirección Xeral de Recursos Humanos o acordo que conteña a relación alfabetizada de aspirantes, que superaron o concurso-oposición, indicando a puntuación obtida en cada unha das fases e a puntuación total que será a suma

de ámbalas dúas. A Dirección Xeral de Recursos Humanos publicará no Diario Oficial de Galicia a resolución declarando concluso o concurso-oposición e a dita relación de aspirantes seleccionados coa súa orde de puntuación.

Adoptado acordo ó respecto polos respectivos tribunais, procede agora darlle publicidade no Diario Oficial de Galicia, polo que

RESOLVE:

Primeiro.-Declarar rematado o dito proceso selectivo e publicar, no anexo desta resolución, as puntuacións obtidas polos aspirantes na fase de oposición e na fase de concurso, das clases de inspectores médicos, inspectores farmacéuticos e subinspectores sanitarios do Servicio Galego de Saúde, así como a súa orde final de selección.

Segundo.-Abri-lo prazo de vinte días naturais contados desde o día seguinte ó da publicación desta resolución, para que os aspirantes seleccionados presenten a seguinte documentación:

a) Fotocopia compulsada do DNI.

b) Fotocopia compulsada do título esixido para o ingreso na correspondente clase, segundo o disposto na base segunda A) 5, da convocatoria.

c) Declaración xurada ou promesa de non ser separado mediante expediente disciplinario de ningunha Administración pública, nin estar inhabilitado para o exercicio de funcións públicas.

d) Certificado médico en modelo oficial, acreditativo de non estar afectado por limitacións físicas ou psíquicas que o imposibiliten para o desempeño das funcións correspondentes á praza que vaia desempeñar.

e) Declaración xurada ou promesa de que non incorre en incompatibilidade consonte a lexislación vixente.

Os aspirantes aprobados que tiveran a condición de persoal fixo, por calquera vínculo ó servicio das administracións públicas ou dos servicios de saúde, estarán exentos de acredita-las condicións e requisitos xa xustificados para obte-lo seu anterior nomeamento, debendo presentar certificación do organismo de que dependan acreditando a súa condición e demais circunstancias que consten no seu expediente persoal. En todo caso, achegarán os documentos a que fan referencia os parágrafos c) e d) anteriores.

A documentación dirixirase ó director xeral da División de Recursos Humanos do Servicio Galego de Saúde e poderá presentarse en calquera dos organismos previstos no punto 4 da base terceira da convocatoria.

Santiago de Compostela, 22 de febreiro de 2000.

Valeriano Martínez García

Director xeral da División de Recursos Humanos

ANEXO