O Consello da Xunta de Galicia, na súa reunión do día 18 de febreiro de 2000 adoptou, por proposta do conselleiro de Cultura, Comunicación Social e Turismo, o seguinte acordo:

Declarar festa de Galicia de interese turístico da provincia da Coruña, segundo o Decreto 203/1998, polo que se regulan as declaracións de festas de Galicia de interese turístico, a Festa de Xesús O Nazareno-Festa das Mortallas da Pobra do Caramiñal.

En cumprimento do disposto no artigo 7 do devandito decreto, ordénase a publicación do acordo no Diario Oficial de Galicia e a notificación ás persoas ou entidades organizadoras da festa e ó concello correspondente.

Santiago de Compostela, 22 de febreiro de 2000.

Jesús Pérez Varela

Conselleiro de Cultura, Comunicación Social

e Turismo