O Consello da Xunta de Galicia, na súa reunión do día 11 de febreiro de 2000 adoptou, por proposta do conselleiro de Cultura, Comunicación Social e Turismo, o seguinte acordo:

Declarar festa de Galicia de interese turístico da provincia de Lugo, segundo o Decreto 203/1998, polo que se regulan as declaracións de festas de Galicia de interese turístico as Festas de San Froilán de Lugo.

En cumprimento do disposto no artigo 7 do devandito decreto, ordénase a publicación do acordo no Diario Oficial de Galicia e a notificación ás persoas ou entidades organizadoras da festa e ó concello correspondente.

Santiago de Compostela, 21 de febreiro de 2000.

Jesús Pérez Varela

Conselleiro de Cultura Comunicación Social

e Turismo