O maxistrado-xuíz do Xulgado de Primeira Instancia e Instrucción número seis de Santiago de Compostela, fai saber que neste xulgado se segue o expediente de dominio, reanudación do tracto 463/1999, por instancia de Daniel Martínez Rey, para a inmatriculación dos seguintes predios:

Casa número seis do lugar de Vilastrexe, parroquia de Santa María de Villestro, concello de Santiago de Compostela, que consta dunha planta baixa e outra alta, e mide seis metros de longo e outros seis metros de largo, aproximadamente, ocupando así a extensión de trinta e seis metros cadrados; e a metade da eira de mallar, pro indiviso, coa outra metade dos herdeiros de Juan Manuel Beiroa, de tres cuartillos ou setenta e nove centiáreas, con curral e saídos. Linda o conxunto: norte, camiño de carro, sur, casa e terreo dos herdeiros de Francisco Vilouta; leste, caseta dos herdeiros de Filomena Fernández; e oeste, caseta dos herdeiros de Francisco Vilouta.

Por medio deste edicto e en virtude do acordado en providencia desta data, convócanse as persoas ignoradas ás que lles puidese prexudica-la inscrición solicitada para que, no termo dos dez días seguintes á publicación deste edicto, poidan comparecer no expediente, alegando o que ó seu dereito conveña.

Así mesmo, cítase a Balbina e José Rey Vilouta, como fillos e herdeiros do titular rexistral José Rey Vilouta, e a Dondina Espiñeira Calviño e Enrique Lodeiro Puente, como persoas das que procede o predio máis arriba referido para que, dentro do termo anteriormente expresado, poidan comparecer no expediente alegando o que ó seu dereito conveña.

En Santiago de Compostela, sete de febreiro de dous mil.

O/A secretario/a

Rubricado