Dentro do plan de actividades da Escola Galega de Administración Pública para 2000 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas xornadas sobre os aspectos civís e urbanísticos da Lei 38/1999, do 5 de novembro, de ordenación da edificación, convocatoria que se desenvolverá conforme as seguintes bases:
1. Obxectivos.
Mellora-lo coñecemento dos asistentes sobre as reformas introducidas na regulación do proceso constructivo pola Lei de ordenación da edificación, especialmente o tratamento e o debate sobre as obrigas e as responsabilidades dos axentes que interveñen no dito proceso en relación coa protección dos consumidores adquirentes de vivendas na nosa Comunidade Autónoma.
2. Contido.
Trataranse estes temas:
-Esixencias técnicas e administrativas da edificación.
-Os axentes da edificación: o promotor, o proxectista, o constructor, o director de obra. Delimitación do seu ámbito de actuación e competencias.
-A responsabilidade civil dos axentes que interveñen no proceso da edificación: distinción de responsabilidades.
-Garantías por danos ocasionados por vicios ou defectos da construcción: o réxime asegurador.
-A protección dos adquirentes de vivendas en fase de construcción.
3. Destinatarios.
Persoal ó servicio da Xunta de Galicia e da Administración local galega, arquitectos e aparelladores, xuíces, avogados, procuradores e profesionais do dereito e interesados en xeral no proceso constructivo e na adquisición de vivendas.
4. Desenvolvemento.
-Horario: mañá e tarde.
-Lugar e datas: as xornadas convocadas desenvolveranse no salón de actos da Delegación en Lugo da Consellería da Presidencia e Administración Pública, (Ronda da Muralla, nº 70, da citada cidade) os días 20 e 21 de marzo de 2000.
5. Inscrición.
-Prazo: remata o xoves, día 16 de marzo de 2000.
-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.
-Número de prazas: limitado á capacidade do local.
-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obter confirmación da súa posible admisión, chamando, o día 17 de marzo, por teléfono, das 10 ás 14.45 horas, ós seguintes números: 981 54 62 39/44 ou 981 54 60 40.
6. Modificacións.
A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de cancelalas, se o escaso número de solicitudes non xustificase a súa realización.
7. Certificación de asistencia.
Entregaráselles, ó remate destas xornadas, a aquelas persoas inscritas que concorresen asiduamente a elas, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.
Santiago de Compostela, 24 de febreiro de 2000.
Domingo Bello Janeiro
Director da Escola Galega de Administración
Pública