De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ás persoas que no anexo se mencionan que, con esta data resolvín publica-los acordos de iniciación dos procedementos sancionadores por infracción administrativa da Lei 4/1989, do 27 de marzo, de conservación dos espacios naturais e da flora e fauna silvestres, (BOE nº 74, do 28 de marzo), por non ser posible a súa notificación.
Noméase instructora do procedemento a Ana Mª Díaz López e secretaria a Mª Jesús Budiño Rodríguez, funcionarias desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común.
A resolución será acordada polo delegado provincial desta consellería.
Os interesados disporán dun prazo de quince días, contados a partir do seguinte ó de publicación desta notificación, para que poidan examina-lo expediente na Delegación Provincial desta consellería na Coruña, sita no edificio administrativo de servicios múltiples-Monelos, A Coruña, e para aportaren por escrito cantas alegacións, documentos, informacións ou propostas de probas, consideren convenientes en defensa dos seus dereitos, así como para a recusación da persoa designada como instructora, se concorre algunha das circunstancias previstas no artigo 28 da Lei 30/1992, do 26 de novembro.
Conforme o establecido no artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non se efectuar alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.
Ó abeiro do disposto no artigo 8.2º do R.D. 1398/1993, do 4 de agosto, cando a sanción teña carácter pecuniario, o pagamento voluntario polo imputado en calquera momento anterior á resolución, porá fin ó expediente. Para efectualo deberán emprega-los impresos normalizados que lles serán facilitados nesta Delegación Provincial, sita no edificio administrativo de servicios múltiples-Monelos, A Coruña.
O que se lles comunica de acordo coa normativa antes citada, coa Lei 30/1992, do 26 de novembro e co establecido no R.D. 1398/1993, do 4 de agosto (BOE nº 189, do 9).
A Coruña, 10 de febreiro de 2000.
Rogelio Aramburu Núñez
Delegado provincial da Coruña
ANEXO
Expediente: 99/041.
Denunciado: Manero Serrano, Eduardo Daniel.
Último domicilio coñecido: r/ Nueva, 422, La Canonja, Tarragona.
Feito denunciado: acampar en lugar prohibido dentro do parque natural Fragas do Eume.
Tipificación: leve. Artigo 38.2º da Lei 4/1989, do 27 de marzo.
Sanción proposta: 15.000 pesetas.
Expediente: 99/064.
Denunciado: Rascado Ruiz, Enrique.
Último domicilio coñecido: r/ Zamora, 39-2º D, Vigo (Pontevedra).
Feito denunciado: circular co vehículo fóra das pistas e itinerarios permitidos, no parque natural de Corrubedo.
Tipificación: leve. Artigo 38.13º da Lei 4/1989, do 27 de marzo.
Sanción proposta: 15.000 pesetas.
Expediente: 99/068.
Denunciado: Paz Paz, Juan Manuel.
Último domicilio coñecido: Avda. da Coruña, 81-3º, Riveira.
Feito denunciado: circular co ciclomotor fóra das pistas e itinerarios permitidos, no parque natural de Corrubedo.
Tipificación: leve. Artigo 38.13º da Lei 4/1989, do 27 de marzo.
Sanción proposta: 15.000 pesetas.