Nesta delegación provincial séguense expedientes sancionadores números C-33/1999, C-41/1999, C-42/1999, C-43/1999 e C-44/1999, contra a empresa Jufer Pin's, S.L. CIF B-24.364.671 (Rpte. Juan Enrique Fernández Pedrera Corral), por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, publica-los acordos de iniciación e os pregos de cargos xa que, intentada a notificación no último enderezo coñecido (rúa Pardo Bazán, nº 10-baixo, El Crucero-León), non foi posible.
Acordo de apertura.
O director xeral de Interior, por delegación do conselleiro de Xustiza, Interior e Relacións Laborais, adoptou os seguintes acordos de apertura:
1. Incoar expedientes sancionadores, de acordo co establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, á empresa Jufer Pin's, S.L.
2. Nomear instructora e secretaria dos procedementos respectivamente a Margarita Olmo Bosco e Mª Teresa Doce Platas.
Pregos de cargos.
1. Te-la empresa Jufer Pin's, S.L. instaladas máquinas tipo «B» chamadas Mini Tómbola de Reloxos sen placas nin autorizacións nos establecementos que se relacionan:
Nº expediente Establecemento Enderezo
C-33/1999 Bar Bellón Avda. Xeneralísimo, 27, Cedeira C-41/1999 Bar Alvariño r/ Sarxento Provisional, 14, Narón C-42/1999 Bar La Esquina r/ Cambre, 10-12, Narón C-43/1999 Bar Los Ángeles r/ San Salvador, 22, Ferrol C-44/1999 Bar Chito r/ Fontemoura, 10-baixo, Ferrol
2. Tales feitos poderían constituír unha infracción moi grave tipificada no artigo 28 e seguintes da Lei 14/1985, do 23 de outubro, reguladora dos xogos e apostas en Galicia, modificada pola Lei 7/1991, do 19 de xuño, de tributación sobre o xogo.
3. De considerarse como moi grave corresponderíalle segundo o artigo 31 da Lei 14/1985, do 23 de outubro, unha multa de 1.000.001 ata 2.000.000 de pesetas, que se poderá elevar ata 10.000.000 de ptas. no caso de reincidencia.
O que se lle notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que alegue e presente a documentación que coide pertinente na súa defensa, así como solicita-lo recibimento a proba do expediente expresando os puntos de feito sobre os que tratará e articulando a proba de que intente valerse. E de conformidade co artigo 13.1º c) do Real decreto 1398/1993, do 4 de agosto, poderá recusa-la instructora e secretaria do procedemento, segundo o recollido no artigo 29 da Lei 30/1992, do 26 de novembro.
En cumprimento do disposto no artigo 42.4º da Lei 30/1992, do 26 de novembro, (modificada pola Lei 4/1999, do 13 de xaneiro) de réxime xurídico das administracións públicas e do procedemento administrativo común, o prazo para resolver e notifica-lo procedemento é de 6 meses contados desde o acordo de apertura, de conformidade co artigo 20.6º do Real decreto 1398/1993, do 4 de agosto; e no suposto do vencemento do prazo sen se ter dictado resolución, producirase a caducidade do procedemento co arquivo das actuacións.
A Coruña, 20 de xaneiro de 2000.
Reyes Carabel Pedreira
Delegada provincial da Coruña
