1. O Pleno da Corporación Municipal de Santiago de Compostela, en sesión que tivo lugar o día 3 de xullo de 1998, aprobou definitivamente o plan parcial de ordenación do SUNP nº 3 nas Cancelas-Mallou (BOP do 18 de novembro e DOG do 27 de novembro de).

O dito plan parcial contén a delimitación dun único polígono que comprende a totalidade do seu ámbito, determinándose como sistema de actuación o de expropiación, que realizará este Instituto Galego da Vivenda e Solo de conformidade cos acordos subscritos co concello e o establecido no dito plan parcial, a aprobación do cal implica a declaración de utilidade pública das obras e a necesidade de ocupación dos terreos e edificios correspondentes ós fins da expropiación, segundo o establecido no artigo 33 da Lei 6/1998, do 13 de abril, sobre réxime do solo e valoracións e no artigo 54 da Lei 1/1997, do 24 de marzo, do solo de Galicia.

2. Por resolución desta dirección xeral, do 2 de febreiro de 1999, aprobouse definitivamente a relación de bens e dereitos e a necesidade de ocupación deles, así como segui-la expropiación polo sistema de taxación conxunta de conformidade co previsto no artigo 144 da Lei 1/1997, do solo de Galicia, e no artigo 201 do Regulamento de xestión urbanística.

3. Formado o oportuno expediente, por esta resolución, de conformidade co artigo 145 da Lei 1/1997, do solo de Galicia, e o artigo 202 do Regulamento de xestión urbanística, acordo sometelo a información pública polo prazo dun mes, mediante inserción de anuncios no Diario Oficial de Galicia e nun xornal dos de maior circulación da provincia, para que todas aquelas persoas ou entidades que se consideren afectadas formulen as observacións e reclamacións que coiden convenientes, en particular no que concirne á titularidade ou valoración dos seus respectivos dereitos, e notificar individualmente as taxacións ós que aparezan como titulares de bens e dereitos no expediente, mediante traslado literal da correspondente folla de aprecio e da proposta de fixación dos criterios de valoración, para que poidan formular alegacións no prazo dun mes contado a partir da data de notificación.

O expediente estará exposto nas oficinas da sede central deste Instituto Galego da Vivenda e Solo, sito en Área Central s/n do polígono das Fontiñas, así como nas da Delegación Provincial do Instituto Galego da Vivenda e Solo na Coruña, Avda. de Salvador de Madariaga s/n, edificio administrativo de Monelos, 8ª planta; e as alegacións, dirixidas a esta Dirección Xeral do Instituto Galego da Vivenda e Solo, presentaranse por triplicado exemplar no rexistro da sede central deste Instituto Galego da Vivenda e Solo ou no da súa Delegación Provincial da Coruña, ou en calquera das formas previstas no artigo 38.4º da Lei 30/1992, do procedemento administrativo común.

Santiago de Compostela, 8 de febreiro de 2000.

José Antonio Redondo López

Director xeral do Instituto Galego

da Vivenda e Solo

ANEXO

Relación de bens e propietarios do SUNP-3