Visto pola sección segunda da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 02/000595/1996, interposto pola Federación de Empresarios Farmacéuticos de Galicia, contra a orde da Consellería de Sanidade e Servicios Sociais do 31 de xullo de 1996 (DOG do 7 de agosto) sobre peche de oficinas de farmacia, dictouse a sentencia 800/1999, do 1 de decembro, agora firme.

Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdicción contencioso-administrativa, e co fin de levar a puro e debido efecto a dita sentencia, este departamento resolve darlle publicidade á parte dispositiva da sentencia 800/1999, do 1 de decembro, que a seguir se transcribe:

«Estimamo-lo recurso contencioso-administrativo interposto pola Federación de Empresarios Farmacéuticos de Galicia, contra a orde da Consellería de Sanidade e Servicios Sociais do 31 de xullo de 1999 sobre peche de oficinas de farmacia, dictada en interpretación do decreto da Xunta de Galicia número 253/1996, acto que anulamos por non ser conforme a dereito, sen facer imposición das costas».

Santiago de Compostela, 24 de xaneiro de 2000.

Manuel A. Silva Romero

Secretario xeral da Consellería de Sanidade

e Servicios Sociais