De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ás persoas que nos anexos se mencionan que, con esta data, resolvín publica-la proposta de resolución do procedemento sancionador que se instrúen, por presuntas infraccións á Lei 7/1992, do 24 de xullo, de pesca fluvial (Diario Oficial de Galicia nº 151 do 5 de agosto) e máis do seu regulamento aprobado polo Decreto 30/1997, do 14 de maio (Diario Oficial de Galicia nº 106, do 4 de xuño), por non ser posible a súa notificación.

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación, para formularen cantas alegacións consideren pertinentes. No mesmo prazo ponse o procedemento de manifesto para trámite de vista se o consideran oportuno. O expediente pode ser examinado na delegación provincial desta consellería, sita na rúa do Paseo, nº 18-5º planta, en Ourense.

Rematado o prazo que se sinala, esta proposta, xunto con tódolos documentos que constan nos expedientes, remitiráselle ó delegado provincial desta consellería, para a resolución do procedemento.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9).

Ourense, 13 de xaneiro de 2000.

Agustín Prado Verdeal

Delegado provincial de Ourense

ANEXO I

Expediente: OU 111/99P.

Denunciado: José Ramón Gómez-Ogando Conde.

DNI: 34.598.260.

Derradeiro enderezo coñecido: Reza, nº 13-1º. Ourense.

Feito probado: pescar cangrexos, sen licencia de pesca, ás 2.50 horas da noite, empregando nasas.

Precepto infrinxido e sancionador: artigo 35.19º da Lei de pesca fluvial.

Sanción: multa de 500.001 pesetas e inhabilitación para obte-la licencia de pesca durante dous anos.