Nesta delegación provincial séguese expediente sancionador número C-36/99, contra Jesús Ángel Espiñeira Roca, titular do establecemento denominado Laberinto e a empresa operadora Automáticos Jomar, S.L. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, publica-lo acordo de iniciación e o prego de cargos, por non ser posible a notificación a Jesús Ángel Espiñeira Roca no último domicilio coñecido (r/ Profesor Tierno Galván, nº 1-6º d, Culleredo).
Acordo de apertura.
O director xeral de Interior, por delegación do conselleiro de Xustiza, Interior e Relacións Laborais, con data do 18 de outubro de 1999 adoptou o seguinte acordo:
1. Reabrir expediente, incoando novo expediente sancionador, de acordo co establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, contra:
A empresa operadora Automáticos Jomar, S.L., CIF B-15.110.588.
O titular do establecemento Jesús Ángel Espiñeira Roca.
2. Nomear instructora e secretario do procedemento respectivamente a Margarita Olmo Bosco e José María Díaz Barús.
3. Adoptar como medidas provisionais o precinto e comiso da máquina tipo B, por atoparse coa autorización de explotación nº C-4492 e que corresponde a outra máquina instalada noutro establecemento e adhesivo da taxa fiscal do ano en curso nº 4492.
Prego de cargos.
1. Te-la empresa operadora Automáticos Jomar, S.L., o día 26 de novembro de 1998, no establecemento denominado Laberinto sito na rúa maxistrado Manuel Artime, nº 6 do concello da Coruña, do que é titular Jesús Ángel Espiñeira Roca, unha máquina recreativa tipo B modelo B-1905, serie nº 93-3604 con guía de circulación nº 1125385 e autorización de explotación C-4492 no momento da inspección carece de boletín de instalación e comunicación de instalación.
2. Tales feitos poderían constituír unha infracción moi grave ou grave tipificada no artigo 28 e seguintes da Lei 14/1985, do 23 de outubro, reguladora dos xogos e apostas en Galicia), modificada pola Lei 7/1991, do 19 de xuño, de tributación sobre o xogo.
3. De considerarse como moi grave corresponderíalle segundo o artigo 31 da Lei 14/1985, do 23 de outubro, unha multa de 1.000.001 ata 2.000.000 de pesetas, e de considerarse grave, corresponderíalle unha multa de 100.001 ata 1.000.000 de pesetas.
O que se lle notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que alegue e presente a documentación que coide pertinente na súa defensa, así como solicita-lo recibimento a proba do expediente expresando os puntos de feito sobre os que versará e articulando a proba de que intente valerse.
E de conformidade co artigo 13.1º c) do Real decreto 1398/1993, do 4 de agosto, poderá recusa-la instructora e o secretario do procedemento, segundo o recollido no artigo 29 da Lei 30/1992, do 26 de novembro.
Segundo sinala o artigo 13.2º do Real decreto 1398/1993, do 4 de agosto, no suposto de non efectuar alegacións sobre o contido da iniciación do procedemento no prazo previsto, a iniciación poderá ser considerada proposta de resolución cos efectos previstos nos artigos 18 e 19 do Real decreto 1398/1993, do 4 de agosto.
En cumprimento do disposto no artigo 42.4º da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, o prazo para resolver e notifica-lo procedemento é de 6 meses, contado desde o acordo de apertura, de conformidade co artigo 20.6º do Real decreto 1398/1993, do 4 de agosto; e no suposto do vencemento do prazo sen ter dictado resolución, producirase a caducidade do procedemento co arquivo das actuacións.
A Coruña, 3 de xaneiro de 2000.
Reyes Carabel Pedreira
Delegada provincial da Coruña