Transcorrido o prazo de reclamacións contra a lista provisional de aspirantes admitidos e excluídos ás probas selectivas para a provisión de prazas de auxiliares de servicios, convocadas por Resolución do 27 de xullo de 1999 (Diario Oficial de Galicia do 2 de setembro), este rectorado, en cumprimento do previsto no parágrafo segundo do punto 3.1 das bases da convocatoria, resolve aproba-la lista definitiva de admitidos e excluídos que figura exposta no taboleiro de anuncios do rectorado (rúa Maestranza, s/n) e no vicerrectorado do Campus de Ferrol (rúa Dr. Vázquez Cabrera, s/n).

Así mesmo, en cumprimento do disposto na base 7.1 da convocatoria, faise público que o exercicio da oposición dará comezo ás 10 horas do día 19 de febreiro de 2000 na Facultade de Informática (Campus de Elviña, s/n). Os aspirantes deberán acudir provistos do documento nacional de identidade ou documento legal que acredite a súa identidade. Para a realización deste exercicio (1ª e 2ª proba) deberán levar un lapis do número 2 e goma de borrar.

Contra esta resolución, que esgota a vía administrativa, os interesados poderá interpor recurso contencioso-administrativo no prazo de dous meses, contados a partir do día seguinte ó da súa publicación, conforme o disposto na Lei 29/1998, do 13 de xullo, reguladora da xurisdicción contencioso-administrativa.

A Coruña, 24 de xaneiro de 2000.

José Luis Meilán Gil

Rector da Universidade da Coruña