De conformidade coa proposta elevada pola comisión designada para xulga-lo concurso convocado por resolución desta universidade do 12 de febreiro de 1999 (BOE do 13 de marzo), para a provisión da praza número 99/011 de profesor titular de universidade da área de coñecemento de paleontoloxía, departamento de Ciencias da Navegación e da Terra desta universidade, a favor de Roberto Bao Casal, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro.
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Roberto Bao Casal profesor titular de universidade da área de coñecemento de paleontoloxía, do departamento de Ciencias da Navegación e da Terra desta universidade.
A Coruña, 10 de xaneiro de 2000.
José Luis Meilán Gil
Rector da Universidade da Coruña