1. Autorización administrativa.
Para os efectos previstos no artigo 9 do Decreto 2617/1966, do 20 de outubro, de autorización de instalacións eléctricas, sométese a información pública a petición de autorización administrativa e aprobación do proxecto de execución para o trazado das liñas eléctricas de referencia, que contan coas características técnicas que se relatan a continuación:
Peticionario: Unión Fenosa, S.A.
Finalidade: mellora-la seguridade e calidade do servicio nas zonas de influencia.
Características técnicas principais:
1. Liña de media tensión aérea a C.T. Vilares, cunha tensión de 20 kV con orixe na L.M.T. A Castañeda e remate no C.T. de Vilares, cunha lonxitude de 0,356 km conductor tipo/sección LA-56/54,6 mm e 5 apoios de formigón.
2. Centro de transformación intemperie de Vilares, situado en Vilares cunha potencia de 50 kVA e relación de transformación 20.000/380-220 V.
3. Liña de baixa tensión Vilares, con orixe no C.T. de Vilares cunha lonxitude de 0,90 km e 2 apoios de formigón.
2. Urxente ocupación.
O beneficiario, ó abeiro do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública das instalacións incluídas neste proxecto, que,
segundo o sinalado no artigo 54 da devandita lei, levará implícito en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa. Polo tanto, esta resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997 e no que non se opoñan a ela, nos artigos 10, 16 e 31.5º do Decreto 2619/1966, do 20 de outubro, polo que se aproba o regulamento da Lei sobre expropiación forzosa e sancións en materia de instalacións eléctricas.
3. Alegacións.
O que se fai público para que poida examinarse o proxecto de instalacións nesta delegación provincial (edificio administrativo, Ronda da Muralla, 70, Lugo), e formula-las reclamacións, por duplicado, que se consideren oportunas durante o prazo de trinta días. Igualmente, os interesados poderán formular, se é o caso, e no mesmo prazo, alegacións por escrito que farán en relación co disposto nos artigos 25 e 26 do Decreto 2619/1966, podendo corrixi-los erros que se encontren ó relaciona-los bens afectados ata o mesmo momento do levantamento das actas previas.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.
Lugo, 20 de decembro de 1999.
Jesús Bendaña Suárez
Delegado provincial de Lugo
Relación de propietarios, bens e dereitos afectados
Expediente: 25/1998Provincia: Lugo
L.M.T., C.T., R.B.T. VilaresTermo municipal: Navia de Suarna
PREDIOS PROPIETARIOS AFECCIÓN
Solo Voo
Nº Lugar Cultivo Nome e apelidos Enderezo nº apoio m ml m
2 Tallo da Seara Monte baixo Dolores Fernández González Avda. das Ciencias, s/n, 4º C, 15706 Santiago de Compostela 2,3 2 92 920
4 A Peza Monte baixo Dolores Fernández González Avda. das Ciencias, s/n, 4º C, 15706 Santiago de Compostela 4 1 70 700
6 Vilares Prado Manuel López Rozas Vidal de Mera, s/n, 27650, Navia de Suarna 50 300
7 Vilares Prado Dolores Fernández González Avda. das Ciencias, s/n, 4º C, 15706 Santiago de Compostela 5 1 42 410
