Dentro dos programas de actividades que a Academia Galega de Seguridade ten previsto realizar no ano 2000, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a realización dunhas xornadas sobre a problemática dos sinistros de automóbiles internacionais, que deberán desenvolverse conforme as seguintes bases:
Obxectivos:
As xornadas teñen por obxectivo o estudio e a análise do desenvolvemento dos sinistros de automóbiles, cando se dea unha destas dúas circunstancias:
1. Sinistros ocorridos en España, cando un dos vehículos implicados teña matrícula estranxeira.
2. Sinistros de vehículos matriculados en España e noutros países.
Destinatarios:
As xornadas van dirixidas ós membros dos corpos e forzas de seguridade.
Inscrición:
A inscrición dos participantes será totalmente gratuíta.
Prazas:
O número de prazas que se ofertarán será de 250.
Solicitudes:
1. O persoal que desexe participar nestas xornadas deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 24 de marzo de 2000, ás 14 horas.
3. As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Duración e datas:
As xornadas desenvolveranse durante os días 4 e 5 de abril de 2000, en xornadas de mañá e tarde.
O horario será o seguinte:
Día 4: das 9.30 ás 13.30 horas e das 16.15 ás 20 horas.
Día 5: das 10 ás 14 horas.
Relación de admitidos:
A relación de admitidos publicarase o día 28 de marzo no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono: 986 59 00 21.
Lugar:
As xornadas terán lugar no salón de actos nº 1 da Consellería da Presidencia e Administración Pública, sito no edificio administrativo San Caetano, Santiago de Compostela.
Certificado de asistencia:
Ó remate das xornadas entregaráselles un certificado de asistencia a aquelas persoas que acrediten a súa participación continuada a elas.
Modificacións:
A Academia Galega de Seguridade poderá modifica-lo desenvolvemento normal das xornadas para adaptalas ás necesidades da Administración e ás continxencias que poidan xurdir.
A Estrada, 13 de xaneiro de 2000.
Juan José Fariñas-Ferro Rodríguez
Director xeral da Academia Galega de Seguridade