O Pleno do Concello, en sesión do 8 de novembro de 1999, aprobou definitivamente o proxecto de delimitación e os proxectos de estatutos e bases de actuación da xunta de compensación do polígono 2 do solo urbanizable programado número 3 (SUP-3) de Pontepedriña, promovidos pola sociedade Unión Hotelera Gallega, S.A.

Contra o acto de aprobación definitiva, que pon fin á vía administrativa, poderase interpoñer recurso potestativo de reposición perante o Pleno do Concello no prazo dun mes contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva poderá impugnarse directamente en vía xurisdiccional mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

No suposto en que se interpoña recurso administrativo de reposición, non poderá interpoñerse recurso contencioso-administrativo mentres non se resolva expresa ou presuntamente o recurso de reposición interposto. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a reso

lución expresa do recurso potestativo de reposición ou no que este deba entenderse presuntamente desestimado. No suposto de desestimación presunta do recurso de reposición, o prazo para interpoñe-lo recurso contencioso-administrativo é de seis meses.

Durante o prazo dun mes, contado a partir da publicación deste anuncio, os propietarios de terreos afectados por esta actuación poderán solicita-la súa incorporación á xunta de compensación.

Santiago de Compostela, 29 de decembro de 1999.

Xosé A. Sánchez Bugallo

Alcalde