Detectados erros no anuncio publicado polo concello referente á convocatoria do concurso público para a redacción do Plan Xeral de Ordenación Municipal do concello de Lourenzá, as correccións que proceden son as seguintes:
-Onde di: «1. Obxecto: a adxudicación, formalización e desenvolvemento do contrato ten por obxecto o traballo denominado Revisión e adaptación das normas subsidiarias de planeamento do concello de Lourenzá», debe dicir: «1. Obxecto: a adxudicación, formalización e desenvolvemento do contrato ten por obxecto o traballo denominado Redacción do Plan Xeral de Ordenación Municipal do concello de Lourenzá (PXOM)».
-As referencias á COTOP, deberán ser á CPTOV.
-No punto oito, referente á mesa de contratación, onde di: «Presidente: o alcaldesa ou concelleiro en quen delegue», debe dicir: «Presidente: o alcalde ou concelleiro en quen delegue».
Lourenzá, 14 de decembro de 1999.
Vidal Martínez-Sierra López
Alcalde