De conformidade co previsto na Resolución do 26 de abril de 1999, da División de Recursos Humanos

do Servicio Galego de Saúde, pola que se convocan os aspirantes para o proceso de selección temporal de 21 prazas de farmacéutico de atención primaria do Servicio Galego de Saúde, feita a oportuna revisión das reclamacións presentadas contra a baremación de méritos, exponse ó público nos taboleiros de anuncios dos servicios centrais e periféricos do Servicio Galego de Saúde e mesmo nos dos seus centros de atención primaria, a listaxe das puntuacións definitivas acadadas polos aspirantes que inclúe, de se-lo caso, a estimación ou desestimación desas reclamacións.

En consecuencia, cítanse para o acto de elección de destino os 21 primeiros aspirantes pola súa orde final de selección, o vindeiro día tres de febreiro, ás 11 horas, na sede do Servicio Galego de Saúde, en San Lázaro s/n, Santiago de Compostela, polo que deberán acreditarse co DNI, permiso de conducir ou pasaporte.

Contra este acordo poderase interpoñer recurso nos termos previstos nos artigos 116 e seguintes da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999.

Santiago de Compostela, 17 de xaneiro de 2000.

Berta Cuña Estévez

Presidenta da comisión de baremación