En cumprimento do disposto no artigo 17 da Lei 39/1988, do 28 de decembro, reguladora das facendas locais, anúnciase que o Concello Pleno, na sesión extraordinaria realizada o día 30 de decembro, adoptou, por maioría absoluta legal, con carácter provisional o seguinte acordo:
Primeiro.-Aproba-las modificacións das ordenazas fiscais seguintes:
Ordenanza fiscal nº 11.-Reguladora da taxa por servicios de rede de sumidoiros, así como de tratamento e depuración das augas residuais, incluída a vixilancia especial de sumidoiros particulares. Modifícase o artigo 5.2º relativo á tarifa.
Ordenanza fiscal nº 21.-Reguladora da taxa por distribución de auga, gas, electricidade e outros establecementos públicos, incluídos os dereitos de enganche de liñas e colocación e utilización de con
tadores e instalacións análogas, cando tales servicios ou subministracións sexan prestados por entidades locais. Modifícase o artigo 3 nas súas alíneas a), b) e c) relativo a tarifas.
Segundo.-Expoñer ó público no taboleiro de anuncios deste concello e nun dos xornais de maior circulación da provincia este acordo provisional durante o prazo de trinta días hábiles co fin de os interesados poderen examina-lo expediente e presenta-las reclamacións que estimen oportunas.
Terceiro.-A dita exposición ó público anunciarase no BOP e comezará a contar o seu prazo a partir do día seguinte a aquel no que teña lugar a publicación correspondente.
Cuarto.-Se non presentasen reclamación elevarase a definitivo o citado acordo, segundo o prevido no artigo 17.3º da Lei 39/1998, do 28 de decembro, reguladora das facendas locais.
Sada, 3 de xaneiro de 2000.
Ramón Rodríguez Ares
Alcalde