O Consello da Xerencia Municipal de Urbanismo, en sesión do día 18 de novembro de 1999, acordou aprobar inicialmente o proxecto de urbanización do Plan parcial Recaré-2, formulado por Bienvenido Domínguez Vázquez en representación da entidade Inmobiliaria Recaré, S.A , e redactado polo enxeñeiro de camiños Alberto Moreno García, con datas de visado do 16 de xuño, 6 de agosto e 29 de setembro de 1999.

Sométese a información pública polo prazo dun mes, mediante inserción de anuncios no DOG, nun xornal dos de maior circulación da provincia e no taboleiro da Casa do Concello de Vigo.

Signifícase que o prazo de exposición ó público se entenderá aberto desde a primeira publicación e rematará a partir dun mes contado desde a publicación do último anuncio. A documentación atópase na Oficina de Información da Xerencia Municipal de Urbanismo ó dispor do público, planta baixa da Casa do Concello de Vigo.

Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 14 de decembro de 1999.

Lois Pérez Castrillo

Alcalde-presidente da Xerencia Municipal

de Urbanismo