Redactado polo arquitecto D. F. Luis Freire González o proxecto de urbanización da UA.8 (U.E.I.-13), promovido pola Xunta de Compensación de dita unidade, e considerando que as obras que detalla e os documentos que comprende adécuanse ás previsións das normas subsidiarias de planeamento, sendo favorables os informes técnico e xurídico, resolvo:

Primeiro.-Aprobar inicialmente o proxecto de urbanización da unidade de execución U.A.8 (U.E.I.-13) promovida pola Xunta de Compensación da dita unidade de execución e redactado polo arquitecto D.F. Luis Freire González.

Segundo.-Sometelo a información pública polo prazo dun mes, mediante anuncio que se publicará no DOG e no xornal El Ideal Gallego.

O proxecto, co seu expediente, expoñerase ó público na secretaría do concello tódolos días hábiles en horario de oficina, durante o prazo dun mes a partir da publicación do anuncio no DOG.

Sada, 4 de xaneiro de 2000.

Ramón Rodríguez Ares

Alcalde