De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles os denunciados, cos datos persoais e último enderezo coñecido que se sinala a continuación, as iniciacións dos correspondentes expedientes sancionadores por infracción á Lei 4/1997, de caza en Galicia, do 25 de xuño (DOG do 11 de xullo).
Noméase instructora do procedemento a Paloma Quiroga López e secretaria a Mª Concepción Ameijide Rodríguez-Moldes, funcionarias da Xunta de Galicia. A resolución será acordada polo delegado provincial da Consellería de Medio Ambiente (Decreto 482/1997, do 30 de decembro, DOG do 8 de xaneiro de 1998, polo que se establece a estructura orgánica da Consellería de Medio Ambiente).
O denunciado disporá dun prazo de quince (15) días hábiles, contados a partir do seguinte ó da publicación desta resolución para que poida examina-lo expediente nesta delegación provincial, sita na Ronda da Muralla, 70, e presenta-las alegacións e documentos que considere convenientes na súa defensa. Así como para a recusación das persoas designadas como instructora e secretaria en calquera momento da tramitación do procedemento.
O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial.
Lugo, 6 de setembro de 1999.
Luis González Vázquez
Delegado provincial de Lugo
ANEXO
-Expediente: C-31/99.
Denunciado: Amable González Mon.
DNI: 76.574.201.
Enderezo: r/ Nicolás Cora, nº 34-1º, Viveiro (Lugo).
Feitos imputados: infrinxi-lo disposto no artigo 10 da orde de vedas do 28 de xullo de 1998 (DOG do 10 de agosto), ó adestrar catro cans de caza en época de veda e sen permiso de couto. Feitos constatados o día 3-4-1999 no couto LU-10.004. Corruxedo. Navia de Suarna.
Preceptos infrinxidos: 57.13º da Lei 4/1997.
Cualificación infracción: leve.
Sanción: 10.000 ptas.