O Pleno do Concello de Vigo, en sesión do día 11 de novembro de 1999, adoptou o seguinte acordo: aprobar definitivamente a modificación puntual nº 16 do PXOU, relativa á ficha de características do PERI II-05 Rocío (expediente 4219/411), instada polos propietarios dos terreos incluídos no seu ámbito e asumida como propia pola corporación municipal. A ficha queda redactada como segue:
Ficha de área remitida ó Plan especial de reforma interior:
Denominación: PERI II-05 Rocío.
Situación: Tomás Paredes, Marín, Rocío e Pardaíña.
Planos: 12-28 e 13-28.
Superficie do PERI: 24.749 m.
Uso característico: residencial e outros usos compatibles.
Tipoloxía característica: unifamiliar illada (Med. Dens.) e bloque illado.
Densidade máxima: 75 viv/ha.
Obxectivos da reforma:
Ordenación pormenorizada de edificabilidade e usos.
Mellora do sistema de zonas verdes mediante o aumento de solo destinado a tal uso, no ámbito obxecto desta modificación.
Mellora do sistema viario mediante o alargamento da rúa Tomás Paredes.
Dotación de equipamentos convenientes para esa zona.
Intensidades
Uso Tipoloxía Superficie Edificabilidade media
Residencial 0,825 m/m
Outros usos compatibles 0,175 m/m
Uso Tipoloxía Superficie Edificabilidade media
Equipamentos (colexio público) 1.650 m A definir no PERI
Z. verdes de titularidade pública 8.469 m A definir no PERI
Criterios de ordenación:
O PERI definirá a tipoloxía de edificación máis acorde co contorno.
O equipamento proposto formularase como ampliación do colexio público Virxe do Rocío.
As aliñacións axustaranse, pola marxe de Tomás Paredes, para permiti-lo alargamento de tal rúa.
Contra este acordo, que pon fin á vía administrativa, poderá interporse recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da publicación deste anuncio.
Así mesmo, este anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, dos que se ignore o lugar de notificación ou cando, intentada esta, non se puidese ter practicado.
Vigo, 29 de novembro de 1999.
Lois Pérez Castrillo
Alcalde-presidente da Xerencia Municipal
de Urbanismo
