Con data do 11 de outubro de 1999, a Dirección Xeral de Industria da Consellería de Industria e Comercio da Xunta de Galicia autorizou as instalacións do proxecto Ramal a Redondela, que discorre polos termos municipais de Pazos de Borbén e Redondela. Declarada a utilidade pública e urxente ocupación de conformidade co disposto nos artigos 103 e 104 da Lei 34/1998, do 7 de outubro, do sector de hidrocarburos, procede a iniciación do expediente expropiatorio.
Na súa virtude, esta delegación provincial, en cumprimento co disposto no artigo 52 da Lei de expropiación forzosa, do 16 de decembro de 1954, acordou convoca-los titulares dos bens e dereitos afectados para que comparezan na casa do concello onde radican os predios afectados, como punto de reunión para, con independencia de desprazarse posteriormente ó terreo e de conformidade co procedemento que establece o dito artigo, levar a cabo o levantamento das actas previas á ocupación e, se procedera, o das de ocupación definitiva.
Tódolos interesados, así como as persoas que sexan titulares de calquera clase de dereitos ou intereses
sobre os bens afectados, deberán acudir persoalmente ou representados por persoal debidamente autorizada, achegando os documentos acreditativos da súa titularidade e mailo último recibo da contribución, podéndose acompañar, pola súa conta, dos seus peritos e dun notario, se o consideran oportuno.
Para o levantamento de actas os afectados deberán presentarse no Concello de Redondela ás nove da mañá do día en que sexan citados, que será nas datas comprendidas entre os días 11 e 20 de xaneiro, ambos inclusive.
Para tal efecto a cada interesado remitiráselle unha citación por correo certificado con xustificante de recepción, sinalándolle a data en que deberá concorrer e igualmente publicarase no taboleiro de anuncios do concello a relación de afectados, con indicación da data sinalada a cada un deles.
É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación deste acordo ós titulares descoñecidos e mais a aqueles con domicilio descoñecido dos predios que se describen no anexo.
No expediente expropiatorio, Gas Galicia DSG, S.A. asumirá a condición de beneficiaria, coas obrigas e dereitos establecidos nos artigos 2.2º da Lei de expropiación forzosa e 5 do seu regulamento.
Pontevedra, 16 de decembro de 1999.
Carmen Bianchi Valcarce
Delegada provincial de Pontevedra
Relación de titulares descoñecidos ou con domicilio ignorado
Convocatoria actas previas
Proxecto: Ramal a Redondela
Termo municipal: Redondela
Predio nº Titular Afección Catastro Natureza Citación
L.M.L. O.T. m Políg. Parcela Día Mes Hora
PO-RE-26 Descoñecido 0 105 27 2 Monte alto 14 Xaneiro 9
PO-RE-28 Descoñecido 10 80 27 7 Monte alto 14 Xaneiro 9
PO-RE-49 Descoñecido 0 45 20 1072 Monte alto 18 Xaneiro 9
PO-RE-50 Descoñecido 0 300 20 1051 Monte alto 18 Xaneiro 9
PO-RE-55 Descoñecido 0 30 20 1052 Monte alto 18 Xaneiro 9
PO-RE-56 Descoñecido 0 110 20 1033 Monte alto 18 Xaneiro 9
PO-RE-60 Descoñecido 0 140 26 226 Monte alto 18 Xaneiro 9
PO-RE-62 Descoñecido 0 500 26 39 Monte alto 18 Xaneiro 9
PO-RE-63 Descoñecido 0 90 26 38 Monte alto 19 Xaneiro 9
PO-RE-64 Descoñecido 0 80 26 35 Monte alto 19 Xaneiro 9
(núcleo rural)PO-RE-75 Descoñecido 0 176 20 969 Monte alto
19 Xaneiro 9