Convocada a concurso de méritos a praza de corpo docente universitario que se relaciona no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro, en virtude da sentencia do Tribunal Constitucional do 27 de febreiro de 1987,

Este rectorado resolveu sinala-la celebración do sorteo correspondente á praza sinalada no citado anexo, co fin de designa-los membros da comisión que serán elixidos por este procedemento, para o día 24 de xaneiro de 2000.

O devandito sorteo terá lugar na Secretaría Xeral da Universidade (edificio San Xerome, praza do Obradoiro, s/n).

Para os efectos previstos no artigo 6.6º do Real decreto 1888/1984, do 26 de setembro (BOE do 26 de outubro), a partir da data desta resolución farase pública a relación dos profesores que participarán no sorteo no rectorado da universidade.

Da citada relación e no momento do sorteo serán excluídos aqueles profesores que:

-Pertenzan á mesma universidade á que corresponde a praza.

-Fosen nomeados para formar parte das comisións pola universidade á que corresponde a praza.

As reclamacións contra a referida relación formularanse antes do día 19 de xaneiro de 2000, dirixidas ó secretario xeral da Universidade de Santiago de Compostela.

Santiago de Compostela, 14 de decembro de 1999.

F. Darío Villanueva Prieto

Rector da Universidade de Santiago de Compostela

ANEXO

Concurso convocado por Resolución do 20 de setembro de 1999 (BOE do 9 de outubro de 2000).

Concurso de méritos nº 1703/1999.

Corpo: titular de universidade.

Área de coñecemento: dereito mercantil.

Presidente titular: Carlos Fernández-Nóvoa Rodríguez, catedrático da Universidade de Santiago de Compostela.

Secretario titular: José Antonio Gómez Segade, catedrático da Universidade de Santiago de Compostela.