Examinado o expediente presentado polo centro privado Santa Apolonia de Santiago de Compostela (A Coruña), polo que solicita autorización para poder imparti-los ciclos formativos de grao superior dietética e próteses dentais.

Vista a Lei orgánica 1/1990, do 3 de outubro, de ordenación xeral do sistema educativo; Real decre

to 1004/1991 (BOE do 26), polo que se establecen os requisitos mínimos dos centros que impartan ensinanzas de réxime xeral non universitarias; Real decreto 777/1998 (BOE do 8 de maio), polo que se desenvolven determinados aspectos da ordenación da formación profesional no ámbito do sistema educativo, Real decreto 536/1995 (BOE do 2 de xuño) polo que se establece o título de técnico superior en dietética e o Real decreto 541/1995 (BOE do 15 de xuño) polo que se establece o título de técnico en próteses dentais.

Decreto 133/1995, do 10 de maio (DOG do 22) sobre autorización de centros privados e a Orde do 20 de setembro de 1995 (DOG do 15 de decembro), que desenvolve o dito decreto.

Tendo en conta o informe favorable da Dirección Xeral de Ordenación Educativa e de Formación Profesional e por proposta da Dirección Xeral de Centros e Inspección Educativa, esta consellería

DISPÓN:

Primeiro.-Autoriza-lo centro privado Santa Apolonia de Santiago de Compostela a impartir:

-Un ciclo formativo de grao superior dietética, da familia profesional de sanidade.

-Un ciclo formativo de grao superior de próteses dentais, da familia profesional de sanidade.

A composición resultante do dito centro é a que figura no anexo desta orde.

Segundo.-A autorización con que conta o dito centro para poder impartir formación profesional de segundo grao da rama sanitaria (2 unidades da especialidade próteses dentais e 2 unidades da especialidade de dietética e nutrición) extínguese progresivamente na medida en que se implanten os ciclos formativos de grao superior que por esta orde se autorizan.

Terceiro.-A delegación provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia no dito centro.

Cuarto.-O centro deberá cumpri-la norma básica da edificación NBE-CPI/1996, de condicións de protección contra incendios nos edificios, aprobada polo Real decreto 2177/1996, do 4 de outubro (BOE do 29 de outubro). Todo isto sen prexuízo de que teñan que cumprirse outros requisitos esixidos pola normativa municipal ou autonómica.

Quinto.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.

Sexto.-Contra esta disposición, que esgota a vía administrativa, os interesados poderán interpoñer recurso potestativo de reposición perante o conse

lleiro de Educación e Ordenación Universitaria, no prazo dun mes a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 30 de novembro de 1999.

Celso Currás Fernández

Conselleiro de Educación e Ordenación Universitaria

ANEXO

Provincia: A Coruña.

Concello: Santiago de Compostela.

Localidade: Santiago de Compostela.

Enderezo: A Rocha, Poza Real, 5.

Denominación: Santa Apolonia.

Código do centro: 15025116.

Titular: Mª del Rosario Medina Gómez.

Composición resultante:

-Centro de educación infantil: 3 unidades.

-Centro de educación primaria: 6 unidades.

-Centro de educación secundaria: 4 unidades de educación secundaria obrigatoria.

-Centro de formación profesional específica:

Familia profesional actividades físicas e deportivas:

-Un ciclo formativo de grao medio de conducción de actividades físico-deportivas no medio natural: 1 unidade para 30 alumnos.

-Un ciclo formativo de grao superior de animación de actividades físicas e deportivas: 2 unidades para 30 alumnos/unidade.

Familia profesional sanidade:

-Un ciclo formativo de grao medio de coidados auxiliares de enfermería: 1 unidade para 30 alumnos.

-Un ciclo formativo de grao superior de documentación sanitaria: 1 unidade para 30 alumnos.

-Un ciclo formativo de grao superior de hixiene bucodental: 1 unidade para 30 alumnos.

-Un ciclo formativo de grao superior de dietética: 2 unidades para 30 postos escolares/unidade.

-Un ciclo formativo de grao superior de próteses dentais: 2 unidades para 30 postos escolares/unidade.

Quenda de tarde-noite:

Familia profesional sanidade:

Un ciclo formativo de grao superior de saúde ambiental: 2 unidades para 30 alumnos/unidade.

Familia profesional de informática:

Un ciclo formativo de grao superior de administración de sistemas informáticos: 2 unidades para 30 alumnos/unidade.