O Pleno da Corporación en sesión ordinaria do día 26 de outubro de 1999 adoptou o acordo que literalmente di:
«2º III. Planificación e programación. 1. Urbanismo: aprobación definitiva do texto refundido do Plan Especial de Reforma Interior (UE 13). Dáse conta do informe sobre o proxecto do Plan Especial de Reforma Interior da Unidade de Execución 13 que emitiu a Consellería de Política Territorial, Obras Públicas e Vivenda do día 2 de agosto de 1999.
Visto o texto refundido no que se recolle a documentación adecuada ó informe que precede e oído o informe do secretario, a Corporación por unanimidade dos dezaseis concelleiros que a compoñen, acorda:
1. Aprobar definitivamente o texto refundido do Plan Especial de Reforma Interior da Unidade de Execución 13.
2. Que se publique este acordo no Diario Oficial de Galicia conforme o previsto no artigo 48 da Lei 1/1997, do solo de Galicia.
3. Que se publiquen as normas e ordenanzas no BOP para os efectos da súa entrada en vigor conforme ordena o citado artigo 48».
Esto faise público para coñecemento xeral e comunícase que a documentación do dito texto refundido se encontra a disposición das persoas interesadas na casa do concello de Ordes.
Contra o acto que se publica poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da data de publicación deste anuncio.
Ordes, 19 de novembro de 1999.
O alcalde
Rubricado