De conformidade co disposto no artigo 79 da LCAP e co acordo da Comisión de Goberno do 12 de novembro de 1999, anúnciase poxa por procedemento aberto para adxudica-las obras do miradoiro e área de ocio no monte Santa Marta, conforme o seguinte contido:

1. Obxecto do contrato: o obxecto do contrato é a obra do miradoiro e área de ocio no monte de Santa Marta.

2. Duración do contrato: catro meses.

3. Tipo de licitación: 25.000.000 de pesetas.

4. Pagamento: o pagamento do prezo de adxudicación farase efectivo da seguinte maneira:

Fondos estructurais da UE: 17.425.000.

Fondos da Administración autonómica: 3.475.000.

Fondos da Administración local: 4.100.000.

5. Prego que rexerá a licitación: o publicado no BOP nº 224, do 28 de setembro de 1995.

6. Garantía provisional: será o 2% do orzamento.

7. Garantía definitiva: será o 4% do orzamento.

8. Presentación de proposicións: durante os vinteseis días naturais seguintes ó da publicación deste anuncio no BOP.

9. Apertura de proposicións: terá lugar ás doce horas do terceiro día hábil seguinte á conclusión do prazo de presentación de proposicións, excepto que o sinalado fose sábado, neste caso diferirase ó primeiro día hábil seguinte.

10. Modelo de proposición:

Don/a....., maior de idade, veciño/a de....., con domicilio en....., en nome propio (ou en representación de..... veciño/a de....., con domicilio en....., conforme acredito con poder validado) sabedor da poxa tramitada para adxudicar mediante procedemento aberto as obras do miradoiro e área de ocio no monte de Santa Marta, comprométese a executalas na forma determinada no prego de cláusulas administrativas particulares, no prezo de..... (letra e número).

Laracha, 12 de novembro de 1999.

O alcalde

Rubricado