Polos reais decretos 1283/1987, do 2 de outubro, e 1378/1997, do 29 de agosto, amplíanse as funcións e servicios traspasados pola Administración do Estado á Comunidade Autónoma de Galicia en materia de ensinanzas profesionais náutico-pesqueiras.
Parece, pois, conveniente asumir de forma expresa tales funcións e servicios, nos termos e condicións especificados no acordo da Comisión Mixta de Transferencias e asignárllelos ós órganos correspondentes da Administración galega.
Na súa virtude, por proposta do conselleiro da Presidencia e Administración Pública e logo da deliberación do Consello da Xunta de Galicia na súa reunión do día dezaseis de decembro de mil novecentos noventa e nove,
DISPOÑO:
Artigo 1º
Queda asumida a ampliación das funcións e servicios da Administración do Estado, realizada polo Real decreto 1749/1999, do 19 de novembro, traspasados á Comunidade Autónoma de Galicia polos reais decretos 1283/1987, do 2 de outubro, e 1378/1997, do 29 de agosto, en materia de ensi
nanzas profesionais náutico-pesqueiras, nos termos e condicións especificados no acordo da Comisión Mixta de Transferencias publicado como anexo ós ditos reais decretos.
Artigo 2º
Asígnaselle á Consellería de Pesca, Marisqueo e Acuicultura a ampliación das funcións e servicios asumidos de conformidade co artigo anterior.
Os órganos da Consellería de Pesca, Marisqueo e Acuicultura exercerán as actuacións que lles correspondan conforme as normas que regulen a súa estructura.
Disposicións derradeiras
Primeira.-Facúltase o conselleiro de Pesca, Marisqueo e Acuicultura para dictar cantas disposicións sexan necesarias para o desenvolvemento e execución do previsto neste decreto e para adopta-las medidas precisas para a plena efectividade e executividade práctica da ampliación das funcións e servicios traspasados.
Segunda.-Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, dezaseis de decembro de mil novecentos noventa e nove.
Manuel Fraga Iribarne
Presidente
Jaime Pita Varela
Conselleiro da Presidencia e Administración Pública