De conformidade co disposto no título IX da Lei 54/1997, do 27 de novembro, do sector eléctrico (BOE do 28 de novembro), e decretos 2617 e 2619/1966, do 20 de outubro (BOE do 24 de outubro), sobre instalacións eléctricas de aplicación transitoria, incóase o expediente e sométese a información pública a solicitude de Desarrollos Eólicos, S.A., con domicilio na Avda. de la Buhaira 2, Sevilla, como entidade beneficiaria, para a declaración de utilidade pública en concreto, que levará implícita a urxente ocupación, para os efectos de expropiación forzosa e imposición das servidumes de paso sobre os bens e dereitos que afecten o proxecto das seguintes instalacións aprobadas e autorizadas administrativamente por resolución da Dirección Xeral de Industria do 8 de novembro de 1999.

-Liña eléctrica aérea simple circuíto a 132 kV Monseivane-Vilalba II, de interconexión cos parques de Desarrollos Eólicos, S.A., en Lugo, sobre apoios metálicos, tipo celosía, con conductor LA-280, de 13.219 m de lonxitude, con orixe na subestación dos parques eólicos Fonte Toxoso, Monseivane e Penas da Mosa, propiedade de Desarrollos Eólicos, S.A.e final na subestación Vilalba II, de Barras Eléctricas Galaico-Asturianas, S.A., co obxecto de evacua-la enerxía eléctrica producida nos parques eólicos mencionados.

O que se fai público para o coñecemento xeral e especialmente dos propietarios e demais titulares afectados dos que se insire relación no anexo desta resolución, así como as persoas que, sendo titulares de dereitos reais ou intereses económicos sobre os bens afectados, foran omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada na Ronda da Muralla 70 (edificio administrativo da Xunta) e presenta-las alegacións oportunas no prazo de 30 días, contados desde o seguinte ó da última publicación desta resolución.

Esta resolución realízase igualmente para os efectos do artigo 59.4º da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares dos predios propostos descoñecidos, se ignore o lugar da notificación ou ben intentada a notificación, non se puidese practicar, e así

dirixir ó Ministerio Fiscal as dilixencias que se produzan, de conformidade co artigo 5 da Lei de expropiación forzosa do 16 de decembro de 1954.

Lugo, 1 de decembro de 1999.

Jesús Bendaña Suárez

Delegado provincial de Lugo

Desarrollos Eólicos, S.A.

Relación de bens, dereitos afectados e propietarios cos que non se acadou acordo amigable

Liña: L.A.T. S/C 132 kV. Sub. Monseivane-Sub. Vilalba IIProvincia: LugoConcello: Vilalba