A Delegación Provincial da Consellería de Industria e Comercio en Pontevedra fai saber que José Manuel Pousada Carballo con DNI 36.288.969-T no nome e representación de Disbepo, S.L., con domicilio en polígono de Bamio, 84, Vilagarcía de Arousa, solicitou na Sección de Minas desta delegación provincial a declaración da condición mineral-natural doutras augas dun pozo situado en terreo propio que se coñece co nome de Sanxinés, sendo a súa situación xeográfica: lugar de Bamio, do concello de Vilagarcía de Arousa (Pontevedra).
O que se fai público para dar cumprimento ó artigo 5 da Lei 5/1995, do 7 de xuño, de regulación das augas minerais, termais, de manancial e dos establecementos balnearios da Comunidade Autónoma de Galicia, para que todo aquel que se considere interesado, poida comparecer no expediente no prazo de quince días hábiles a partir do seguinte ó desta publicación, pasado este non se admitirá oposición ningunha.
Pontevedra, 19 de novembro de 1999.
Carmen Bianchi Valcarce
Delegada provincial de Pontevedra