Por Orde do 27 de setembro de 1999 (DOG do 7 de outubro), publícase a convocatoria pola que se establecen subvencións para escolas de música privadas e se regula o procedemento para a súa concesión.
Valoradas as solicitudes e elevada a proposta de concesión das ditas subvencións pola comisión constituída segundo o punto sétimo da orde de convocatoria, a Consellería de Educación e Ordenación Universitaria
DISPÓN:
Primeiro.-Concede-las axudas, nas contías que se sinalan, ás escolas de música privadas que se relacionan no anexo I a esta orde.
Segundo.-Modifica-lo prazo de xustificación establecido no punto décimo primeiro da Orde do 27 de setembro de 1999 pola que se publica a convocatoria fixando novo prazo para a xustificación total das axudas ata o día 22 de decembro de 1999.
Terceiro.-Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes e segundo o disposto nos artigos 116 e 117 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 3 de decembro de 1999.
Celso Currás Fernández
Conselleiro de Educación e Ordenación
Universitaria
ANEXO I
Escola de música Localidade concedida/pesetas
Subvención
Presto Vivace, S.L. A Coruña 360.958
Allegro Teo 168.430
Estudio Santiago de Compostela 369.240
Guillelme Brown Ourense 187.291
Breogán O Grove 163.116
A Tempo Poio 214.345
B. Unión de Guláns Ponteareas 149.557
E.M. de Xinzo Ponteareas 193.859
S.C.D. Atlántida Matamá Vigo 193.204