A orde da Consellería da Presidencia e Administración Pública e da Consellería de Industria e Comercio, pola que se convoca e regula o réxime de concesión de axudas para o fomento da investigación, prevé a incentivación de actuacións de cooperación en materia de investigación básica e aplicada e desenvolvemento entre empresas e institucións que realicen este tipo de actividades, tales como centros e institutos tecnolóxicos ou departamentos universitarios.

O artigo 7 da orde de convocatoria determinaba os criterios de prioridade e o 10 que a valoración dos proxectos se fará de acordo coa Resolución do 28 de decembro de 1998 pola que se fai público o acordo do Consello da Xunta do 18 de decembro de 1998.

En consecuencia, e atendendo á proposta elaborada pola comisión técnica de valoración e en virtude das competencias atribuídas ás Consellerías da Presidencia e Administración Pública e de Industria e Comercio,

RESOLVEN:

Primeiro.-Concede-las axudas para a incentivación de actuacións en materia de investigación básica e aplicada e desenvolvemento entre empresas e institucións que realicen este tipo de actividades ás empresas que se relacionan no anexo I, para os investimentos realizados no ano 1999.

Segundo.-As devanditas axudas acadarán o 45% do importe do orzamento subvencionable por tratarse de investigación aplicada e desenvolvemento.

Terceiro.-Denegárlle-las axudas ás empresas que se relacionan no anexo II polos motivos que nel se sinalan.

Cuarto.-Contra esta resolución, que esgota a vía administrativa, poderán os interesados interpoñer recurso potestativo de reposición ante o conselleiro da Presidencia e Administración Pública ou o de Industria e Comercio, no prazo dun mes contado a partir do día seguinte ó da súa notificación, consonte os artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, ou recurso contencioso-administrativo perante a Sala do Contencioso-Administrativo do Tri

bunal Superior de Xustiza de Galicia, de conformidade co establecido nos artigos 10 e 46 da Lei 29/1998, do 13 de xullo, reguladora da xurisdicción contencioso-administrativa, no prazo de dous meses contados desde o día seguinte ó da súa notificación, e sen prexuízo de que os interesados poidan exercer calquera outro que consideren oportuno.

Disposición derradeira

A presente resolución entrará en vigor o día seguinte ó da súa publicación noDiario Oficial de Galicia.

Santiago de Compostela, 29 de novembro de 1999.

P.D. (Orde 22-2-1999)

Pablo Figueroa Dorrego

Secretario xeral da Consellería

da Presidencia e Administración Pública P.D. (Orde 13-10-1999)

Jesús Vázquez San Luis

Secretario xeral da Consellería

de Industria e Comercio

ANEXO I

Solicitudes aprobadas

ANEXO II

Solicitudes denegadas