Eu, María José Gil Taboada, secretaria do Xulgado de Primeira Instancia número oito dos da Coruña,

Fago saber que neste xulgado se seguen autos de expediente de xurisdicción voluntaria co número 65/1999-E, promovidos por Julio García Carneiro, representado polo procurador Carlos González Guerra, sobre declaración de falecemento de Jorge Juan García Carneiro, titular do DNI nº 32.377.806-Q, nacido na Coruña o 6 de setembro de 1949, fillo dos hoxe falecidos Julio García Souza e Josefa Carneiro García e que residía cos seus pais no domicilio familiar sito na Coruña na rúa Mosteiro de Bergondo, número SJ, piso 5º B, que desapareceu o 24 de marzo de 1973 en San Juan de Luz, en compañía dos seus amigos Fernando Quiroga Veina e Humberto Fouz Escobedo, que posiblemente foron asasinados por ETA, cuestión amplamente difundida pola prensa a nivel nacional.

E para que así conste e lles sirva de aviso a todas aquelas persoas ás que lles poida interesa-la existencia do expediente, para os efectos do artigo 2042 da Lei de axuizamento civil, expido, selo e asino este edicto na Coruña o oito de novembro de mil novecentos noventa e nove.

A secretaria

Rubricado