Polas ordes da Consellería da Presidencia e Administración que de seguido se citan convocáronse bolsas de predoutoramento correspondentes a diferentes programas do Plan galego de investigación e desenvolvemento tecnolóxico:

-Orde do 18 de xaneiro de 1999 (DOG do 25 de xaneiro) bolsas de predoutoramento do programa de promoción xeral de investigación.

-Orde do 12 de febreiro de 1999 (DOG do 24 de febreiro) bolsas de predoutoramento do programa de biotecnoloxía.

-Orde do 12 de febreiro de 1999 (DOG do 25 de febreiro) bolsas de predoutoramento do programa de estudios socioeconómicos e xurídicos.

-Orde do 22 de abril de 1999 (DOG do 7 de maio) bolsas para incorporación de titulados superiores a centros tecnolóxicos de Galicia.

Nas citadas ordes ou nas correspondentes resolucións fixouse o importe destas bolsas en 110.000 ptas. brutas mensuais, pero en tódolos casos consideraba a posibilidade de incrementa-la dotación das bolsas a partir do 1 de xaneiro do ano 2000 co fin de consegui-la total homologación coas bolsas de formación de persoal investigador convocadas polo Ministerio de Educación e Cultura.

Considerando que a Secretaría de Estado de Educación, Universidades, Investigación y Desenvolve

mento por Resolución do 2 de setembro de 1999 (BOE do 15 de setembro) estableceu a contía das bolsas de FPI para o ano 2000 (primeira e segunda anualidade) en 115.000 ptas./mes esta consellería

DISPÓN:

Artigo 1º

Acórdase fixa-la contía mensual das bolsas de predoutoramento concedidas por resolucións da Secretaría Xeral de Investigación e Desenvolvemento do 14 de xullo, 27 de xullo, 30 de xullo e 12 de agosto de 1999 en 115.000 ptas. brutas mensuais desde o 1 de xaneiro do ano 2000 ata a súa data de finalización.

Este incremento financiarase con cargo á mesma aplicación orzamentaria á que se imputaron as bolsas.

Artigo 2º

A presente disposición pon fin á vía administrativa segundo o disposto no artigo 109 c) da Lei 30/1992, modificada pola Lei 4/1999, de réxime xurídico das administracións públicas e do procedemento administrativo común.

Santiago de Compostela, 25 de novembro de 1999.

Jaime Pita Varela

Conselleiro da Presidencia e Administración Pública