En cumprimento do disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e de conformidade co establecido nos artigos 1124, 1504, 1501 e 1091 do Código civil e a cláusula III do contrato de compravenda, notifícaselles ós interesados cos datos e domicilio (identificado por número de expediente e conta) que a continuación se relacionan, os requirimentos de pagamento dos recibos pendentes e que ascenden ás cantidades que se sinalan, facéndolles constar que se irán incorporando ó total da débeda os posteriores vencementos que resulten non pagados e que lles serán reclamados por tódolos medios legais.
Tendo en conta as obrigas dimanantes dos contratos subscritos por vostedes coa Xunta de Galicia e de acordo co establecido no artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común, concédeselles un prazo de dez días hábiles para que se poñan ó día das súas obrigas, ou se comparezan na delegación provincial, en trámite de audiencia, para os efectos de presenta-los documentos e xustificacións que consideren convenientes ó seu dereito.
En caso contrario procederase á resolución dos seus contratos e iniciación dos oportunos expedientes de desafiuzamento, con conseguinte lanzamento da vivenda, para a súa posterior adxudicación a outro beneficiario, expido, asino e selo esta cédula.
A Coruña, 12 de novembro de 1999.
Mª Teresa Morán Calero
Xefa de Área Provincial da Coruña
ANEXO
José Antonio Rico Iglesias e herdeiros.
Expediente: C-109-CD/67 (desafiuzamento F.P. 486/99).
Conta: 22.
r/Armada Española, bloque 29, P-1, 8º B, polígono de Caranza (Ferrol).
Importe da débeda: 149.940 ptas.
Manuela Fontán Castelo e herdeiros.
Expediente: C-109-CD/67 (desafiuzamento F.P. 488/99).
Conta: 66.
r/Armada Española, bloque 30, P-5, 4º A, polígono de Caranza (Ferrol).
Importe da débeda: 282.746 ptas.