No uso das competencias sobre pensións non contributivas da Seguridade Social, reguladas polo Real decreto lexislativo 1/1994, do 20 de xuño, e en virtude do disposto no artigo 59 da Lei 30/1992, do réxime xurídico das administracións públicas e do procedemento administrativo común, foron devoltas polo servicio de correos dúas sucesivas citacións para comparecer no equipo de valoración de Pontevedra, realizadas nas datas do 21 de outubro de 1998 e do 23 de novembro de 1998, en relación coa solicitude de pensión non contributiva de invalidez.

Procédese polo presente edicto a unha nova citación de comparecencia no EVO de Pontevedra (rúa da Cruz Vermella, nº 9 baixo), dentro dos cinco días seguintes ó da publicación desta notificación no DOG. De non comparecer a esta citación, procederase á denegación da súa solicitude de pensión non contributiva por imposibilidade de determina-lo grao de minusvalidez ou enfermidade crónica que o afecta.

Pontevedra, 2 de novembro de 1999.

María Dolores Pan Vázquez

Delegada provincial de Pontevedra

ANEXO

Pensionista: Ramón García Padín.

DNI: 76.841.913.

Deberá presentarse na sección de cualificación e valoración de minusválidos do centro base de Pontevedra, sito na rúa Cruz Vermella nº 9 baixo. De non comparecer a esta citación, procederase á denegación da súa solicitude de pensión non contributiva por imposibilidade de determina-lo grao de minusvalidez ou enfermidade crónica que o afecta.

Fundamento de dereito: artigo 92 da Lei 30/1992, do 26 de novembro, do réxime xurídico das administracións públicas e do procedemento administrativo común.