A Comisión de Goberno, na sesión do 15 de novembro de 1999, aprobou o proxecto de compensación da unidade delimitada en Canteira de Sar-Camiño Real de Angrois, promovido por Edipromfer, S.L.
O ámbito de actuación ten unha superficie de 4.823,23 m e está comprendido entre as seguintes estremas:
Norte: parte segregada, propiedade de Edipromfer, S.L. situada no ámbito do Plan especial de mellora do medio urbano número 12 (PEMMU-12).
Sur: parte segregada, propiedade de Edipromfer, S.L., que ocupa terreos cualificados como solo non urbanizable (ordenanza 14) e terreos de Ermita Pazos Dono.
Leste: rúa Camiño Real de Angrois.
Oeste: rúa da Canteira de Sar.
Contra o acto de aprobación, que pon fin á vía administrativa, poderase interpor potestativamente recurso de reposición perante o Pleno do Concello no prazo dun mes contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva
poderá impugnarse directamente en vía xudicial mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte o da publicación no Diario Oficial de Galicia.
No suposto de que se interpoña recurso contencioso-administrativo de reposición, non poderá interpoñerse recurso contencioso-administrativo mentres non se resolva expresa ou presuntamente o de reposición. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a resolución expresa do de reposición ou no que este deba entenderse presuntamente rexeitado. Neste último caso, o prazo para interpoñe-lo recurso contencioso-administrativo é de seis meses.
Santiago de Compostela, 26 de novembro de 1999.
Xosé A. Sánchez Bugallo
Alcalde