De conformidade co establecido no artigo 22 g) do Decreto 287/1996, do 12 de xullo, polo que se aproba o Regulamento de organización e funciona

mento do Consello Consultivo de Galicia, esta presidencia

RESOLVE:

Facer público o acordo plenario do 22 de novembro de 1999, do Consello Consultivo de Galicia, sobre o alcance do artigo 11 m) da súa Lei constitutiva en relación coas reclamacións de danos e perdas que se formulen contra os entes locais, do teor literal seguinte:

«Primeiro.-Acordo interpretativo do Consello Consultivo de Galicia sobre o alcance do artigo 11 m)

da súa Lei constitutiva, en relación coas reclamacións de danos e perdas que se formulen contra os entes locais».

Por unanimidade, o Pleno deste alto órgano consultivo decide:

«Que o Consello Consultivo de Galicia é competente para a emisión de dictame preceptivo nos expedientes de reclamación que, en concepto de indemnización de danos e perdas, se formulen contra os entes locais da Comunidade Autónoma de Galicia».

Segundo.-Comunica-lo presente acordo á Presidencia da Xunta de Galicia e ás entidades locais galegas.

Terceiro.-Ordena-la súa publicación no Diario Oficial de Galicia.

Santiago de Compostela, 23 de novembro de 1999.

José Antonio García Caridad

Presidente do Consello Consultivo de Galicia