O Pleno do Concello de Sada, na sesión do día 25-3-1999, aprobou definitivamente o estudio de detalle da unidade de execución A Valexa, sita na parroquia de Veigue, presentado por José García Fernández, propietario único dos terreos.
Contra o antedito acordo, que é definitivo en vía administrativa, pode interpoñerse recurso de reposición perante a Alcaldía dentro do prazo dun mes contado desde o día seguinte ó da recepción desta notificación.
Contra a desestimación expresa ou presunta do recurso de reposición pode interpoñerse recurso contencioso-administrativo no prazo de dous meses, contados desde o día seguinte ó da recepción da notificación da desestimación, cando esta sexa formulada de forma expresa, ou no prazo de seis meses contados desde o día seguinte a aquel no que o referido recurso de reposición terá que entenderse desestimado de forma presunta.
Tamén poderá interpoñerse calquera outro recurso que se considere conveniente.
Sada, 27 de outubro de 1999.
O alcalde
Rubricado