O Pleno do Concello, en sesión extraordinaria realizada o día 18 de novembro de 1999, co quórum de maioría absoluta legal de membros da corporación, acordou:
1. Aprobar definitivamente a modificación puntual nº 1 das normas subsidiarias de planeamento do Concello de Cotobade, redactada pola empresa Interurban, S.A., unha vez que se concluíu a tramitación do documento, segundo o establecido na regulación urbanística aplicable e se emitiron os informes previstos no artigo 7 da Lei 7/1995, do 29 de xuño, de delegación e distribución de competencias en materia de urbanismo.
2. Este acordo publicarase no Diario Oficial de Galicia e comunicaráselle a Consellería de Política Territorial, Obras Públicas e Vivenda, remitíndoselle unha copia do expediente administrativo completo e dous exemplares do instrumento definitivamente aprobado.
3. Para efectos do establecido no artigo 70.2º da Lei 7/1985, do 2 de abril, reguladora das bases de réxime local, segundo a redacción dada pola Lei 39/1994, do 30 de decembro, publicarase este acordo no BOP.
Recursos: contra este acordo, que pon fin á vía administrativa, poderá interpoñerse potestativamente o recurso de reposición ante o mesmo órgano que dictou, no prazo dun mes, contado a partir do día seguinte ó da publicación deste acordo. Se se interpón o recurso de reposición non se poderá interpoñe-lo recurso contencioso-administrativo ata que sexa resolto expresamente ou se producise a desestimación presunta do recurso de reposición interposto.
Transcorrido un mes desde a interposición do recurso potestativo de reposición sen que se notificase resolución expresa entenderase desestimado por silencio administrativo e quedará expedita a vía contencioso-administrativa, podendo interpoñe-lo recurso contencioso-administrativo ante o Tribunal Superior de Xustiza de Galicia no prazo de dous meses, contados desde o día seguinte ó da notificación da resolución expresa do recurso de reposición, ou no prazo de seis meses, contados desde o seguinte ó de aquel no que se produza o acto presunto.
Non obstante, poderase impugnar directamente ante a orde xurisdiccional contencioso-administrativa. Para tal efecto, poderase interpoñer recurso contencioso-administrativo, no prazo de dous meses contados desde o día seguinte ó da publicación deste acordo, ante o Tribunal Superior de Xustiza de Galicia.
Así mesmo, poderase interpoñer calquera outro recurso que se considere pertinente.
Cotobade, 19 de novembro de 1999.
José Ramón Abal Varela
Alcalde