De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícaselles ós familiares de Marcelina Teixeira Alonso a resolución do director xeral do IGVS do 5 de outubro de 1999, que integramente se transcribe a continuación:

«Resolución.

Expediente administrativo: PO-83/540.

Conta 53.

Examinado o expediente correspondente á adxudicataria en réxime de aluguer, a Marcelina Teixeira Alonso e,

Tendo en conta os seguintes feitos:

1. Por acordo da Comisión Provincial de Vivenda, en sesión do día 2 de xuño do ano 1987, procedeuse á adxudicación a Marcelina Teixeira Alonso da vivenda de promoción pública, en réxime de aluguer, sita na rúa Anduriña, nº 5-7º F en Vigo (Pontevedra), identificada como conta 53 do expediente administrativo PO-83/540.

2. O 18 de agosto de 1989, constituíuse na Cámara da Propiedade de Vigo o depósito da fianza da mensualidade de renda (9.600 ptas.).

3. O 20 de xuño de 1997, iniciouse contra a adxudicataria expediente de resolución de contrato e desafiuzamento administrativo P-097/97, por incumprimento do contrato en canto á falta de pagamento das cotas pactadas.

4. Requirida a interesada para que procedese ó pagamento dos recibos pendentes, non contesta a estas e as comunicacións cursadas son devoltas polo servicio de correos.

5. Practicáronse cantas actuacións procederon, efectuándose visita de inspección á vivenda e, segundo certificación expedida polo responsable do Rexistro Civil de Vigo, o día 25 de novembro de 1992 produciuse o pasamento da adxudicataria, Marcelina Teixeira Alonso.

6. O Concello de Vigo, por requerimento do IGVS, certifica o 2 de agosto de 1999 que, comprobado o padrón correspondente ó ano 1996 e ata a data

antes sinalada, na rúa Anduriña, nº 5-7º F non figura ningunha persoa empadroada.

7. O 30 de agosto de 1999 tivo entrada no rexistro xeral da Xefatura Provincial de Pontevedra solicitude de subrogación no contrato de aluguer da vivenda, presentada por Vanesa López Becerra en calidade de neta da arrendataria.

Fundamentos de dereito

1. É competente para resolve-lo presente expediente o director xeral do Instituto Galego da Vivenda e Solo, de acordo co disposto no Decreto 70/1997, do 14 de marzo, de estructura orgánica do Instituto Galego da Vivenda e Solo.

2. De conformidade co establecido nas disposicións transitorias primeira e quinta da Lei 29/1994, do 24 de novembro, (BOE do 25 de novembro), que aproba a vixente Lei de arrendamentos urbanos, é de aplicación o previsto no artigo 58.4º do Decreto 4101/1064, do 24 de decembro (BOE do 29 de decembro), texto refundido da anterior Lei de arrendamentos urbanos, por tratarse de contrato de aluguer realizado a partir do 9 de maio de 1985 e vixente á entrada en vigor da nova lei.

O dito precepto establece que a subrogación deberá serlle notificada de forma que faga fe ó arrendador dentro dos noventa días seguintes á data de falecemento do inquilino.

3. De conformidade coa disposición transitoria segunda, letra b) da Lei 29/1994, de arrendamentos urbanos, que modifica o establecido no artigo 58 da Lei de arrendamentos urbanos de 1964, a subrogación unicamente poderá ter lugar a favor do cónxuxe do arrendatario non separado legalmente ou de feito ou, no seu defecto, dos fillos que convivisen con el durante os dous anos anteriores ó seu falecemento; en defecto dos anteriores, poderán subrogarse os ascendentes do arrendatario que estivesen ó seu cargo e convivisen con este con tres anos, como mínimo, de antelación á data do seu falecemento.

4. De acordo co establecido no artigo 9 do Real decreto lei, do 30 de abril, sobre medidas de política económica (BOE do 9 de maio) non lle é de aplicación o réxime de prórroga establecido no artigo 57 do texto refundido de 1964 antes citado.

Vistos os preceptos legais invocados e demais normas de aplicación xeral,

ACORDO:

Declara-la extinción do contrato de arrendamento da vivenda sita na rúa Anduriña, nº 5-7º F, por falecemento da súa titular Marcelina Teixeira Alonso, coa recuperación da posesión da vivenda.

Notifíqueselle-la presente resolución ós interesados, con expresión dos recursos legais que procedan.

En Santiago de Compostela o 5 de outubro de 1999: José Antonio Redondo López. Director xeral do IGVS.».

Contra a presente resolución, que non é definitiva na vía administrativa cabe interpoñer recurso de alzada ante o conselleiro de Política Territorial, Obras Públicas e Vivenda no prazo dun mes contado desde o día seguinte ó da publicación da presente notificación, conforme o establecido nos artigos 107, 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro.

Santiago de Compostela, 9 de novembro de 1999.

José Antonio Redondo López

Director xeral do Instituto Galego

da Vivenda e Solo