En cumprimento do disposto nos artigos 204.2º e 208 da Lei 13/1995, do 18 de maio, de contratos das administracións públicas, e conforme o modelo establecido polo Real decreto 390/1996, do 1 de marzo, de desenvolvemento parcial da dita lei, publicado no Boletín Oficial del Estado número 70, do 21, publícase o seguinte anuncio de licitación para a subministración de corenta e tres ordenadores persoais e a adquisición de dous servidores para o Parlamento de Galicia.

1. Entidade adxudicadora.

a) Organismo: Parlamento de Galicia.

b) Dependencia que tramita o expediente: Oficialía Maior.

c) Número de expediente: 10/1999.

2. Obxecto do contrato.

a) Descrición do obxecto: subministración de corenta e tres ordenadores persoais e adquisición de dous servidores para o Parlamento de Galicia.

b) División por lotes e número: dous.

c) Lugar de execución: nas dependencias do Parlamento de Galicia.

d) Prazo de entrega: dentro do prazo de quince días a partir do outorgamento do contrato.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación.

Lote número 1:

43 ordenadores.

13 monitores de 17''.

12 monitores de 15''.

1 portátil.

25 impresoras láser.

41 licencias Ms-Officce.

41 licencias Win 95.

Importe total do lote número 1: 22.450.00 ptas. (134.927,2 euros).

Lote número 2:

2 servidores iguais e un subsistema de almacenamento accesible para ámbolos servidores simultaneamente, que deberá funcionar como un NT cluster tanto para Windows NT 4.0 E.E. coma para SQL.

Importe total do lote número 2: 12.000.000 de ptas. (72.121,45 euros).

5. Garantías.

Provisional: o 2% do tipo de licitación.

Definitiva: o 4% do tipo de licitación.

6. Obtención de documentación e información.

a) Entidade: Parlamento de Galicia.

b) Domicilio: r/ Hórreo, 63.

c) Localidade e código postal: Santiago de Compostela, 15702.

d) Teléfono: 981 56 16 00.

e) Telefax: 981 57 10 41.

f) Data límite de obtención de documentos e información: ata tres días antes da data de presentación.

7. Requisitos específicos do contratista.

Poderán presentarse a este concurso e formula-las conseguintes proposicións, con suxeición ás cláusulas deste prego e ó de condicións técnicas, as persoas naturais ou xurídicas, españolas ou estranxeiras que, tendo plena capacidade de obrar, non estean comprendidas nalgunhas das circunstancias enumeradas no artigo 20 da Lei 13/1995, do 18 de maio, de contratos das administracións públicas, e tamén no artigo 23 cando se trate de empresas estranxeiras.

8. Presentación de ofertas ou das solicitudes de participación.

a) Data límite de presentación: ós catorce días naturais seguintes ó da publicación no Diario Oficial de Galicia do anuncio de licitación.

b) Documentación que hai que presentar: a citada no prego de cláusulas administrativas particulares (Boletín Oficial do Parlamento de Galicia número 399, do 16 de novembro de 1999).

c) Lugar de presentación: Rexistro do Parlamento de Galicia, en horario das 9.30 ás 14 horas e das 16.30 ás 18.30 horas, de luns a venres, e das 10 ás 13 horas os sábados. De ser festivo o día de remate para a presentación de proposicións, trasládase para o primeiro día hábil seguinte.

1ª Entidade: Parlamento de Galicia.

2ª Domicilio: r/ Hórreo, 63.

3ª Localidade e código postal: Santiago de Compostela, 15702.

d) Prazo durante o cal o licitador estará obrigado a mante-la súa oferta (concurso): tres meses desde a apertura das ofertas.

e) Admisión de variantes (concurso): non se admiten de acordo coas cláusulas do prego.

9. Apertura das ofertas.

a) Entidade: Parlamento de Galicia.

b) Domicilio: r/ Hórreo, 63.

c) Localidade: Santiago de Compostela.

d) Data: o oitavo día hábil seguinte ó do remate de presentación de proposicións.

e) Hora: 12 horas.

10. Outras informacións.

No Boletín Oficial do Parlamento de Galicia número 399, do 16 de novembro de 1999, e nos pregos de cláusulas administrativas e prescricións técnicas depositados no Rexistro Xeral do Parlamento.

11. Gastos de anuncios.

Serán por conta do adxudicatario.

Santiago de Compostela, 11 de novembro de 1999.

José María García Leira

Presidente do Parlamento de Galicia