Aprobado inicialmente pola Comisión de Goberno, en sesión do 4 de novembro de 1999, o proxecto técnico do concurso para a contratación da obra de accesos a núcleos de poboación e pavimentación das vías públicas, Ferreirós a Dorvisón e outras, redactado polo enxeñeiro técnico agrícola Manuel Souto López, queda exposto ó público na secretaría deste concello, durante o prazo de oito días hábiles, que empezarán a contarse desde o día seguinte ó da inserción do presente edicto no BOP, para efectos de exame e reclamacións.

Na mesma sesión tamén se aprobou o prego de cláusulas administrativas que rexerán o concurso público urxente e procedemento aberto da obra de accesos a núcleos de poboación e pavimentación das vías públicas, Ferreirós a Dorvisón e outras, que se expón ó público por un prazo de catro días hábiles, para os efectos de que os interesados poidan examinalos e formula-las alegacións que consideren oportunas. Á súa vez convócase licitación pública para a adxudicación da citada obra, que quedaría aprazada no suposto de se presentaren reclamacións ó proxecto técnico ou ó prego, continuando, o que reste, a partir do día seguinte ó da resolución das reclamacións.

Obxecto: é a adxudicación, mediante concurso polo procedemento aberto, da obra de accesos a núcleos de poboación e pavimentación das vías públicas, Ferreirós a Dorvisón e outras.

Tipo de licitación: é de 7.983.146 pesetas.

Prazo de execución: dous meses desde a notificación da adxudicación.

Garantías: a provisional establécese en 159.663 pesetas e a definitiva igual ó 4% do importe da adxudicación.

Presentación de proposicións: presentaranse na secretaría do concello, de 9 a 13 horas, durante o prazo de 13 días naturais, contados a partir do día seguinte ó da publicación deste anuncio no BOP.

Apertura de plicas: terá lugar ás nove horas do primeiro día hábil seguinte ó que termine o prazo de presentación de proposicións. Se este fose sábado, terá lugar o primeiro día hábil seguinte.

Criterios de adxudicación: serán os fixados na correspondente cláusula do prego de condicións.

Modelo de proposición: o recollido na correspondente cláusula do prego. Os licitadores presentarán simultaneamente coa proposición e en sobre cerrado os documentos que se indican na referida cláusula.

Gastos: serán por conta do adxudicatario os gastos dos anuncios así como tódolos derivados do contrato.

Vila de Cruces, 5 de novembro de 1999.

O alcalde-presidente

Rubricado