Obxecto: é a prestación dos servicios orientados a desenvolve-las actividades comprendidas no programa Nadalxogo'99.

Tipo de licitación: é de 11.000.000 de ptas. máis IVE, importe do que o concello aboará 9.000.000 de ptas. IVE incluído, satisfacéndose a cantidade restante con cargo á recadación de despacho de billetes.

Prazo de execución: a duración do contrato estenderase desde o día 25 de decembro de 1999 ata o 4 de xaneiro do 2000.

Presentación de proposicións: deberán ser presentadas de 9 a 14 horas no rexistro xeral do concello no prazo de trece días naturais, que comezará a contarse e entenderase aberto desde o día seguinte á data da derradeira das publicacións que corresponden facer no Diario Oficial de Galicia e no BOP da Coruña.

Apertura de plicas: a apertura de plicas terá lugar no Concello de Santiago de Compostela ás 12 horas do día hábil seguinte á finalización do prazo de presentación das proposicións.

Prego e documentación: consultarase na seguinte dirección: Concello de Santiago de Compostela. Sección Contratación e Servicios. r/ Raxoi, s/n. Tfno.: 981 54 23 24. Fax: 981 57 76 27.

Reclamacións: simultaneamente ó de licitación exponse ó público o prego de condicións, contra o que se poderán presentar reclamacións no rexistro xeral do Concello de Santiago de Compostela, durante o prazo de oito días hábiles, contados a partir da publicación deste anuncio no BOP da Coruña.

Santiago de Compostela, 15 de novembro de 1999.

O alcalde

Rubricado